Berdintasunerako Zerbitzuaren aldizkaria - 2022ko uztaila

Indarkeria matxista prebenitzeko eta sentsibilizatzeko udako kanpaina

Ziberindarkeri kanpaina

Online edota offline Libre Izan Nonahi celebra, áctua, responde

Ezagutu uztailean, abuztuan eta irailean burutuko diren Libre Izan Nonahi indarkeria matxista prebenitzeko udal Estrategiako jarduerak.
Sare sozialetan eta sareetatik kanpo indarkeria matxistarik gabeko bizitzak lortu ditzagun!

Udako ordutegiak

		Udako ordutegia Gasteizko Emakumeen Etxean Uztaileko goizetan Emakumeen Etxea zabalik egongo da ohiko ordutegian (10:00-14:00), baina arratsaldez ez da jendaurreko arretarik egingo. Hala ere, hiriko elkarte eta taldeek aukera izango dute Etxeko aretoak erreserbatzeko; beti bezala, espazioen lagapen zerbitzuaren bitartez. Abuztuan, Emakumeen Etxea erabat itxita egongo da.

		Eleen Ganbara Udan Modu berean, Eleen Ganbara liburutegia uztaileko astelehen eta ostegunetan izango da irekita Sorginenea elkartearen eskutik, eguerdiko 11:00etatik 13:00tara. Pertsona bakoitzeko 4 liburu hartzeko aukera dago eta irailaren 16ra arte itzultzeko epea duzue.

		Langileentzako aholkularitza bulegoa, udan itxita Etxeko eta zaintzako langileentzako aholkularitza itxita egongo da uztailean eta abuztuan. Irailean irekiko da ohiko ordutegian.

... gainera

Genero-berdintasunaren alorrean jarduerak eta proiektuak egiteko dirulaguntzak

Uztailaren 1ean, Gasteizko Udaleko Tokiko Gobernu Batzarrak Berdintasun Zerbitzuaren diru-laguntzen ebazpena onartu zuen. Egun gutxi barru ebazpenaren berri emango zaie eskaera aurkeztu zuten elkarteei, ALHAOn noiz argitaratuko zain.

Indarkeria matxistaren 2021eko txostena argitaratu egin da

"Gasteizko Udalak Indarkeria Matxistaren arloan Kontuak Emateko Kopuruen eta Datuen Txostena. 2021eko urtarriletik abendura" txostena egin du Gasteizko Udalak

Literaturzale Feministen Topaketak

Sareinak taldeak antolatutako "Literaturzale Feministen Topaketak" egingo dira, uztailaren 1ean eta 2an, Gasteizko Emakumeen Etxean. Bertan, euskal literaturaren iragana, oraina eta etorkizuneko zalantzak aztertuko dira, betiere ikuspegi feministatik.